Аҟазареи аҭҵаарадырреи реидҳәалара: Баҭал Џьапуа ицәыргақәҵазы

Баҭал Џьапуа ицәыргақәҵа "Нарҭаа рыҩны" аԥсуа ҟазареи аԥсуа ҭҵаарадырреи еидызкало акакәны иҟалеит ҳәа лыԥхьаӡоит Нарҭдырреи адәынтәи афольклорҭҵаареи рцентр аусзуҩ Саида Ҳаџьым. "Насыԥуп ажәлар рҭоурых дырны, ажәлар рҵас-рқьабз ҩнуҵҟала аиҿкаашьа еилкааны, ажәлар рҿаԥыцтә рҿиамҭақәа ибзиаӡаны издыруа ауаҩы, урҭ рышьаҭала аусумҭақәа аԥҵаны ажәлар рхаҭа лабҿаба ирбартә еиԥш ианыҟаиҵо", — лҳәеит аҵарауаҩ. Баҭал Џьапуеи аепос иазхьаԥшхьоу асахьаҭыхҩцәеи русумҭақәа излареиԥшым ыҟоуп ҳәа азгәалҭеит лара. Инеиҵыху аиҿцәажәара шәахәыԥшыр шәылшоит Sputnik Аԥсны асаит аҟны.